گوجرانوالہ: فتومنڈ میں جھگڑے کے دوران زخمی ہونے والا نوجوان حسن امین دورانِ علاج جاں بحق، پولیس تحقیقات میں مصروف۔
گوجرانوالہ: چند روز قبل ہونے والے جھگڑے کا افسوسناک انجام
گوجرانوالہ کے تھانہ سول لائن کے علاقے فتومنڈ میں چند روز قبل ہونے والے جھگڑے میں شدید زخمی ہونے والا نوجوان حسن امین زخموں کی تاب نہ لاتے ہوئے جاں بحق ہو گیا۔
ذرائع کے مطابق حسن امین جھگڑے کے دوران شدید زخمی ہوا تھا اور گزشتہ کئی روز سے اسپتال میں زیرِ علاج تھا۔ ڈاکٹروں کی جانب سے بھرپور کوششوں کے باوجود وہ صحت یاب نہ ہو سکا اور دورانِ علاج دم توڑ گیا۔
نوجوان کی وفات کی خبر سامنے آتے ہی اہلِ خانہ پر غم کا پہاڑ ٹوٹ پڑا جبکہ علاقے میں بھی سوگ کی فضا قائم ہو گئی۔ اہلِ علاقہ اور عزیز و اقارب نے حسن امین کے انتقال پر گہرے دکھ اور افسوس کا اظہار کیا ہے۔
پولیس کے مطابق واقعے کی مختلف پہلوؤں سے تحقیقات جاری ہیں اور جھگڑے میں ملوث افراد کے خلاف قانونی کارروائی عمل میں لائی جا رہی ہے۔ حکام کا کہنا ہے کہ تحقیقات مکمل ہونے کے بعد مزید حقائق سامنے لائے جائیں گے۔
Post a Comment