مظفرآباد: وزیراعلیٰ پنجاب مریم نواز شریف نے آزاد جموں و کشمیر کے عوام سے کیا گیا ایک اہم انتخابی وعدہ پورا کرتے ہوئے جدید الیکٹرک بسوں کی فراہمی کا آغاز کر دیا ہے۔ اس سلسلے میں 10 جدید، ماحول دوست اور آرام دہ الیکٹرک بسیں مری پہنچ گئی ہیں، جہاں سے انہیں مختصر وقت میں مظفرآباد روانہ کیا جائے گا۔
مسلم لیگ (ن) کی رہنما حنا پرویز بٹ نے سوشل میڈیا پر جاری اپنے بیان میں کہا کہ وزیراعلیٰ مریم نواز نے آزاد کشمیر کے عوام سے کیا گیا وعدہ نبھا دیا ہے۔ ان کے مطابق 10 الیکٹرک بسیں مری پہنچ چکی ہیں اور جلد ہی مظفرآباد میں عوامی ٹرانسپورٹ کے نظام کا حصہ بن جائیں گی۔
ان الیکٹرک بسوں کی آمد سے آزاد کشمیر، خصوصاً مظفرآباد کے شہریوں کو جدید، محفوظ، آرام دہ اور ماحول دوست سفری سہولیات میسر آئیں گی۔ الیکٹرک بسیں ایندھن کے اخراجات میں کمی، فضائی آلودگی کے خاتمے اور صاف ماحول کے فروغ میں بھی اہم کردار ادا کریں گی۔
حکومتی حلقوں کا کہنا ہے کہ پنجاب حکومت جدید ٹرانسپورٹ کے فروغ کے لیے عملی اقدامات کر رہی ہے اور اسی وژن کے تحت آزاد کشمیر کو بھی جدید سفری سہولیات فراہم کی جا رہی ہیں تاکہ عوام کو بہتر سفری سہولتیں میسر آئیں۔
سیاسی و عوامی حلقوں نے اس پیش رفت کو خوش آئند قرار دیتے ہوئے امید ظاہر کی ہے کہ ان بسوں کے باقاعدہ آپریشن شروع ہونے کے بعد عوام کو سفری مشکلات میں نمایاں کمی آئے گی اور شہری ٹرانسپورٹ کا نظام مزید بہتر ہوگا۔
واضح رہے کہ وزیراعلیٰ مریم نواز نے انتخابی مہم کے دوران آزاد کشمیر میں جدید الیکٹرک بسیں فراہم کرنے کا اعلان کیا تھا، جس پر اب عملی پیش رفت سامنے آ گئی ہے۔
Post a Comment